ПОСОЛЬСТВО РЕСПУБЛИКИ АБХАЗИЯ В БОЛИВАРИАНСКОЙ РЕСПУБЛИКЕ ВЕНЕСУЭЛА | Embajada de la República de Abjasia en la República Bolivariana de Venezuela
1050, Kapakac
embabjasia@gmail.com


+58 412 960 0726
+58 212 910 0047
+58 412 201 8580


ConIFA ачемпионат аҿы Аԥснытәи акоманда аиааира агеит!



Аԥсни Пенџьабааи аҵыхәтәантәи реицыхәмарра астадион “Динамо” аҿы имҩаԥысит рашәарамза 5 рзы.

ConIFA адунеизегьтәи ачемпионат аҿы Аԥснытәи акоманда аиааира агеит, Пенџьабаа 6:5 ҳәа ириааит.

Аԥснытәи акоманда афинал ахь инеит ԥшьынтә аиааирақәа ганы, дара рымба мпылкгьы ҭадмыршәит, аха дара 14 мпыл ҭадыршәхьан. Еиҳарак уи зыбзоуроу амбахьчаҩ Алексеи Бондаренко иоуп.

Ари ахәмарра ҳреспубликаҿы даара иазыԥшын, агәра гангьы иҟан Аԥснытәи акоманда афинал ахь ишнеиуаз.

Атурнир ахьынӡамҩаԥысуаз ахәмаррақәа ирыхәаԥшырцаз инеиуан ашьапылампыл уамак бзиа изымбозгьы. Аҵыхәтәантәи ахәмарраан астадион “Динамо” ахь инеит даара ирацәаҩны ажәлар, уи аҟара астадион иакуамызт. Ауаа заа аизара иалагахьан. Ахәмарра иалагаанӡа астадион иахаԥрааит аҵәиԥрыга Аԥсны абираҟ ахашәыршәыруа.

Раԥхьатәи жәаминуҭк раан аԥыжәара рыман аԥсуа шьапылампыласыҩцәа. 17-тәи аминуҭ азы аԥсуаа ампыл ҭадыршәыртә еиԥш аҭагылазаашьа рыман, аха амба иақәымшәеит.

57-тәи аминуҭ азы Пенџьабтәи акоманда ахәмарыҩ Амар Перваль  раԥхьатәи ампыл ҭаиршәит.

Ахәмарра иалгаанӡа х-минуҭк нханы ианыҟаз Руслан Шьониа ампыл ҭаиршәит.

Иаанхаз аамҭазы уаҳа аӡәгьы ампыл ҭаимыршәит, жәеиза метр иҟоу аахақәа ирыбзоураны аԥснытәи акоманда аиааира агеит 6:5 ҳәа.

Sputnik Аҧсны: http://sputnik-abkhazia.info/apsny/20160605/1018612152.html#ixzz4AoKvURXK

 


Июнь 6, 2016 - 2:21 пп | новости |

СОЮЗНИКИ САЙТЫ