ПОСОЛЬСТВО РЕСПУБЛИКИ АБХАЗИЯ В БОЛИВАРИАНСКОЙ РЕСПУБЛИКЕ ВЕНЕСУЭЛА | Embajada de la República de Abjasia en la República Bolivariana de Venezuela
1050, Kapakac
embabjasia@gmail.com


+58 412 960 0726
+58 212 910 0047
+58 412 201 8580


Рауль Ҳаџьымба: Қырҭтәылатәи агрессиа иахҟьаны иҭахаз зегьы ргәалашәара ҳаҭыр ақәҵо Аахыҵ Уаҧстәыла ажәлар аизҳазыҕьареи аҭынч ҧсҭазаареи рзеиҕьасшьарц сҭахуп.



Аҳәынҭқарра Ахада Рауль Ҳаџьымба Аахыҵ Уаҧстәыла аганахьала Қырҭтәыла имҩаҧнагаз агрессиа аа-шықәса ахыҵра инамаданы аҳәынҭқарра Апрезидент Леонид Тибилов ихьӡала ашәҟәы дәықәиҵеит.

Аҟәа. Нанҳәамза 8. Аҧсныпресс. Ашәҟәы атекст аҿы иаҳәоит:

“Иахьа Аҧсны жәлар рашьцәа ауаҧсаа реиҧш, 2008 шықәсазы иҟалаз ақырҭуа агрессиа иалаӡыз ргәаладыршәоит.

Нанҳәамза 8, 2008 шықәса ҳажәларқәа рҭоурых ишьаарҵәыроу нбанла ианылеит. Ари атрагедиатә мшы аҽны Қырҭтәылатәи ар, уи зынӡа иазыҧшымыз ақалақь Цхьынвал иақәлеит. Ицәаз аҭынч уааҧсыра ирылахысуа иалагеит, ажәлар аиаӡаара ашәарҭара иҭадыргылеит.

Рыцҳарас иҟалаз, адунеи аҭынч уаажәларра ахаҭарнакцәа, Урыстәылатәи Афедерациа наламҵакәа, иҟоу аиаша иазхьаҧшуамызт иагьалацәажәомызт.

Ари зегьы ҳзы иуадаҩыз амшқәа рзы, Урыстәылатәи Афедерациа ҳшәарҭадара, жәларыс иҟоу зегьы аҭоурыхтә иашара ахьчареи амилаҭтә хақәиҭреи рзы азин иадгылаҩны иҟалеит.

Ҳара ҳамҩа алаҳхит, уи хьаҳәхьачарада ҳанылоит. Уи ахықәкы анаӡара азы зхы иамеигӡаз зегьы ргәалашәара наунагӡа ҳгәаҵаҿы иаанхоит.

Ари амш аҽны, Қырҭтәылатәи агрессиа иахҟьаны иҭахаз зегьы ргәалашәара ҳаҭыр ақәҵо, Аахыҵ Уаҧстәыла ажәлар гәык-ҧсык ала аизҳазыҕьареи аҭынч ҧсҭазаареи рзеиҕьасшьарц сҭахуп.


Август 8, 2016 - 4:10 пп | новости |

СОЮЗНИКИ САЙТЫ